هدية لعشاق الشعر الشعبي الملحون قصيدة((غريبت لغرايب )) غريبت لغرايب مولاي أحمد قاول واغدر شريف ولد مضرب وانا ظنيت غير أنساني شريف ولد مضر...
هدية لعشاق الشعر الشعبي الملحون قصيدة((غريبت لغرايب ))
غريبت لغرايب مولاي أحمد قاول واغدر
شريف ولد مضرب وانا ظنيت غير أنساني
شريف ولد مضرب وانا ظنيت غير أنساني
- قاولني السكر و ﻻتاي الوندريزي الاخضر
مابغا القلب يصبر حلو ومرارتو تعجبني
شريف ولد مضرب وانا ظنيت غير أنساني
- نعطيكم اخبارو دير الغلاي و اقدي نارو
يجعجعو فارو و يطلعو للجو الفوقاني
شريف ولد مضرب وانا ظنيت غير أنساني
- إلى فاض ﻻتعريه وانقص نصيب ما واغسل بيه
الجمع قاع نقيه عليه الفرض و السنن
شريف ولد مضرب وانا ظنيت غير أنساني
- زين مع ربعة واثنين وﻻتكمل سبعة
يخسر مع الرباعة و اﻻول نبغيه مر يجيني
شريف ولد مضرب وانا ظنيت غير أنساني
- فوق الجحيم رفعو وباليمن ﻻتخاف من دفيعو
وصحابو يراعو وعلى الزايد والنقصاني
شريف ولد مضرب وانا ظنيت غير أنساني
- لتاي فيه نسمة جابو لكريم لينا نعمة
بدعوه ناس غرمة ما هو لقصيف واللي دوني
شريف ولد مضرب وانا ظنيت غير أنساني
- لتاي يا السايل طاعت له كامل القبايل
عرفت به راجل مالك اﻹسلام والنصراني
شريف ولد مضرب وانا ظنيت غير أنساني
سيدي قال عندو يعمل لكريم غير يزيدو
يتنكدو حسودو و مناش عطيتو تعطيني
شريف ولد مضرب وانا ظنيت غير أنساني
لتاي عنبرية والكاس اﻻول يسوى مية
و نزاهة الاغنيا الفحول وﻻد الرقاني
شريف ولد مضرب وانا ظنيت غير أنساني
ونبغي اللي يشربو وباش كان يجيبو
وعليه ﻻيغلبو واللي نبغيه ويبغيني
شريف ولد مضرب وانا ظنيت غير أنساني
وأنا كل مسلم يارب حل من اسمك اﻻعظم
نشرب من بير زمزم والحوض الله ﻻيحرمني
شريف ولد مضرب وانا ظنيت غير أنساني
هذا صحيح واجب مولاي أحمد شريف مساوي سلطان
ولد مضرب وأنا ظنيت غير نساني.
شريف ولد مضرب وانا ظنيت غير أنساني
تعليقات